Ev Nûçe, 78 car hatiye xwendin.
‘Wekî’ waliyê koloniyê ye
AMED - Ji 5 navên bi kurdî ku Şaredariya Kayapinara Amedê daye parkên ku hatine temamkirin ji aliyê 4 nav ji aliyê Walîtiya Amedê ve nehat qebûlkirin. Walîtiyê ji navên Gulistan, Beybûn, Daraşîn, Nefel û Berfînê ku bi biryara yekdengî ya ji aliyê Meclîsa Şaredariyê de hatibû qebûlkirin tenê navê Gulistanê qebûl kir û peşniyar kir ku jibo navêdin jî biçe darazê.
Meclîsa Şaredariya Kayapinara Amedê di 7’ê gulana di 2005’an de bi yekdengî biryar girt ku ew ê navên Nefel, Gulistan, Beybûn, Daraşîn û Gulistanê bidin 5 parkên ku ji aliyê Beşa Park û Baxçeyan hatine çêkirin. Ev biryara Meclîsa Şaredariyê Walîtiya Amedê re hate şandin.
Walîtiya Amedê bi îmzeya Walî Huseyîn Avnî Mutlu di 10’ê hezîrena 2008’an de nivîsek ji şaredariyê re şend. Di nivîsê de tê gotin ku navên ku ji aliyê Meclîsa Şaredariyê ve hatine dayin hatine lêkilînkirin û di encama vê de tenê navê Gulistanê hatiye qebûlkirin. Lê navên din jî bi hinceta ku “ne li gorî 24’emîn madeya rêziknameya navnîşan û numerayan e” ji ber vê yekê jî nehatina qebûlkirin.
Piştî ku walîtiyê navên Nefel, Beybûn, Berfîn û daraşînê qebûl nekir di 9’ê tîrmeha 2008’an de Meclîsa Şaredariya Kayapinarê careke din civiya. Di encama civînê de biryar hate dayîn ku ew ê navê berfînê bidin parka li taxa Peyasê ya li kolana 288’an, navê Nefelê bidin parka li kolana 225’an, navê Daraşînê bidin parka ku di navbera kolanên 229 û 231’an û navê Beybûnê jî bidin parka li kolana 158’an a li ser cadeya Dîclekantê. Piştre ev biryar ji Walîtiya Amedê re carake din hate şandin.