" JI BÎR NAKIM "

*JI BÎR NAKIM *

*keç û jinên me kurda
ristina wa teşiyê
-tevne li dar dixistin
Ji hir ya berx û mî yê
-neqiş û ce'en lê dikirin
bi zirx û bi derzî yê
*****
*dîsa tînim bîra xwe
Ew destarê kevirî
-li pir dera tê dîtin
ji du perçan çêkirî
-xirme xirma dengê wê
dihêrê va bulxurî
*****
*dîsa tînim bîra xwe
soqî li nava gundan
-kute kuta toqmaqan
keçikan dan dukutan
-pîr û jinên nav salî
dicivîn li dora wan
*****
*dîsa tînim bîra xwe
delîba li bêderê
-çinîna nîsk û noka
kom û şemalên berê
-kişandina wan şixra
lênûştina cercerê
*****
*dîsa tînim bîra xwe
cot û hevcarê darî
-yê ku pê ax dajotin
kalên me yên cotarî
-der diketin şefaqî
vedigerîn êvarî
*****
*dîsa tînim bîra xwe
kirina nanî sêlê
-qetmer û nanê kuncî
ber tandirê bin holê
-xarina wa rûnê sar
dotina mî û çêlê

BER AVÎ
10/5/2013
roja înê